തിരുവനന്തപുരം: ഇടതു സർക്കാരിന്റെ നയങ്ങൾക്കുള്ള അതിഗംഭീര പിന്തുണയാണ് ചെങ്ങന്നൂരിലെ വിജയമെന്ന് മുഖ്യമന്ത്രി പിണറായി വിജയൻ.
സംസ്ഥാന സര്ക്കാരിന്റെ രണ്ട് വര്ഷത്തെ ഭരണത്തിനുള്ള അംഗീകാരവും ജാതി, മത വേര്തിരിവുകള്ക്ക് അതീതമായി സത്യത്തിന്റെ വിജയം കൂടിയാണ് ഇടത് മുന്നണിക്ക് ലഭിച്ചതെന്നും അദ്ദേഹം മാധ്യമങ്ങളോട് പറഞ്ഞു. അതിശക്തമായ അസത്യപ്രചാരണത്തിനിടയിലും സത്യം വേർതിരിച്ചു കാണാനുള്ള ജനങ്ങളുടെ കഴിവിനെ അഭിവാദ്യം ചെയ്യുന്നതായും അദ്ദേഹം പറഞ്ഞു.
എല്ലാ വിഭാഗം ജനങ്ങളും സര്ക്കാരിനെ പിന്തുണച്ചു. ജനങ്ങളാണ് ആത്യന്തിക വിധി കര്ത്താക്കളെന്ന് ഈ തെരഞ്ഞെടുപ്പ് തെളിയിച്ചു. ജനങ്ങളുടെ അംഗീകാരം നേടിയാണ് ഒരു സര്ക്കാര് അധികാരത്തില് വരുന്നത്. നന്മയുടേയും ക്ഷേമത്തിന്റെയും മതനിരപേക്ഷതയുടേയും വികസനത്തിന്റെയും മുന്നേറ്റങ്ങള്ക്ക് ജാതി, മത നിലപാടുകള് തടസമല്ലെന്ന പുതിയ രാഷ്ട്രീയ സംസ്കാരം കേരളത്തില് രൂപപ്പെട്ടിരിക്കുകയാണെന്നും പിണറായി വിജയന് പറഞ്ഞു.
രാഷ്ട്രീയ ലാഭത്തിനു വേണ്ടി വികസന പ്രവർത്തനങ്ങളെ തുരങ്കം വയ്ക്കുന്ന പ്രതിപക്ഷ നിലപാടിനേറ്റ തിരിച്ചടിയാണ് ചെങ്ങന്നൂര് വിധി എന്നും അദ്ദേഹം പറഞ്ഞു. മുൻപ് തങ്ങൾക്കൊപ്പം ഇല്ലാതിരുന്ന ഇത്തവണ ഇടതുപക്ഷത്തിനു വോട്ടു ചെയ്ത വിഭാഗത്തെ അഭിവാദ്യം ചെയ്യുന്നതായും മുഖ്യമന്ത്രി കൂട്ടിച്ചേർത്തു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
